10.8 C
Скопје

Бабиш го смени чешкиот министер за здравство бидејќи одбивал да се користат вакцини што не се одобрени од ЕМА

Чешкиот министер за здравство, Јан Блатни, ја напушта владата на барање на претседателот Милош Земан, бидејќи категорично одбивал да се користат вакцини, особено „Спутник В”, се додека не добијат одобрение од Европската агенција за лекови (ЕМА).

-Сето време стоев зад ставот да се употребуваат регистрирани вакцини. За мене како лекар е важно да морам да бидам 100-процентно сигурен дека вакцината не само што ќе помогне, туку и дека нема да предизвика штета. Само на ваков начин можам да гарантирам дека вакцините се безбедни и испробани, рече Блатни денеска на вонредна прес-конференција на која соопшти дека синоќа бил сменет.

Блатни кажа дека неговото отстранување е политичка одлука на која премиерот има право, но истовремено ја толкува на начин што мисли дека премиерот Андреј Бабиш очигледно гледа дека Чешка се извлекла од кризните денови во текот на пандемијата од Ковид-19.

-Претседателот денеска ме замени на барање на премиерот. Јас тоа го гледам како политичка одлука на која премиерот има право. Мојата совест е чиста затоа што работев единствено врз основа на мојата експертиза и секогаш одлучував врз основа на експертски податоци и анализи, така што премиерот смета дека најлошото веќе е зад нас. Вирусот, меѓутоа, е опасен и не ни простува за грешките, рече Блатни.

Претседателот Земан денеска ќе назначи нов министер за здравство, Питер Аренбергер, експерт за венерични болести, инаку директор на една од големите универзитетски болници во Прага, кој е многу поблаг кон кампањата на претседателот да се нарачуваат и руски и кинески вакцини без одобрение на Европската агенција за лекови.

Коалицискиот партнер во владата на премиерот Бабиш, лидерот на чешките социјалдемократи и министер за внатрешни работи, Јан Хамачек, денесак кусо прокоментира дека го почитува правото на колаицискиот партнер да го замени министерот, но се надева дека новиот ќе продолжи на начинот како што тоа досега го правеше Блатни.

-Подготвивме проект наречен „Патот од темнината”, што ќе ни помогне да се вратиме во нормалниот живот. Се е подготвено полека да се врати во нормала, рече разрешениот министер Блатни.

Поврзани вести

СИПА упадна во просториите на Централната изборна комисија на БиХ

Илинка Иљоска

Тегелтија: На БиХ и требаат добри вести од Брисел, а тоа е кандидатски статус

Илинка Иљоска

Словенците предвидуваат дека до јуни ќе ја зауздаат короната: „800.000 луѓе се веќе заштитени“

Слободен печат

Мехмети: Предлог законот за дивоградби е политички договор меѓу Заев и Мицкоски

Слободен печат

Мицкоски: Се сомневам дека ќе добиеме датум за преговори

Слободен печат

Брнабиќ: Од дијалогот Белград – Приштина зависи стабилноста на целиот регион

Слободен печат

Остави Коментар