Бабиќ: Се радувам на дуелот со Рајн-Некар Левен
Ракометарите на Е. Пелистер денеска тргнаа кон Мајнхајм каде утревечер ги очекува пресметка со Рајн-Некар Левен во Лигата на Европа. Германскиот тим во овој натпревар влегува како фаворит, но тренерот на битолчани Жељко Бабиќ се радува на дуелот со Рајн-Некар Левен бидејќи нема да има резултатски притисок.
– Бевме„ под корона“ во минатиот период, но мене не ме загрижува падот во вториот дел од натпреварот против Кадетен Шафхаузен. Тоа е нормално. Игравме добро во првиот дел, водевме, но потоа паднавме физички и не издржавме. Момците дадоа што имаа, но нетренирањето и коронавирусот оставија трага. Што се однесува до натпреварот во Германија, Рајн Некар Левен е фаворит, силна екипа и лидер во Бундеслигата. Но, јас се радувам на натпреварот, нам ни е страшно важно да играме, не треба да заборавиме дека сме потполно во контра ритам. Немаме натпревари, не трениравме и нам сè ни е добро, без разлика што Рајн Некар Левен е силен тим. Се надевам дека ќе одиграме како и секогаш цврста одбрана. Притисокот мислам дека нема врска ни за нас, ни за нив. Треба да бидеме опуштени за да го дадеме максималниот потенцијал. Но, верувам дека притисокот нема врска и секој ќе го даде максимумот – смета Бабиќ.
Еурофарм Пелистер досега одигра два натпревари во Лигата на Европа и поради има минимален пораз од Гог Гудме (30:29), како и несреќно реми на домашен терен против Кадетен Шафхаузен (25:25).