Баба од Мадрид на 99 години ја победи короната, им се врати на омилените серии и игри на таблетот
Флорентина Мартин е 99-годишна старица од Шпанија која го победи коронавирусот, успешно се опорави. Се заразила од коронавирусот во септември, на прославата на нејзиниот 99 роденден, кога се собрало семејството и со нив испила пијалок на тераса.
„Мислам дека тоа беше тогаш, на 16 септември, во тој момент сите бевме заедно и без маски“, вели нејзината внука Ниела Вале која отсекогаш стравувала дека нејзината баба ќе заврши сама, на одделение за интензивна нега.
Неколку дена по роденденот Мартин почнала да се чувствува слабо и паднала во постела.
Изложеноста на контаминирано масло од маслинова репа во младоста ѝ оставило долготрајни здравствени проблеми и ѝ ја зголемило чувствителноста на респираторни компликации од ковид-19.
Меѓутоа, имала само благи симптоми и се опоравила во куќата во Мадрид со помош на своето семејство, негователката Олга Арауз и верната пријателка Луна.
Сега повторно ќе може да ги гледа своите омилени емисии и да игра игри на таблетот.
„Добро ми е, навистина сум ок“, рече Мартин, а сеќавањата на вирусот се уште и се матни.
Иако бабата се опоравила, внуката Вале која е биолог, се уште се држи до тоа да носи маска кога ја посетува. „И натаму сум претпазлива, но секако, чувствувам големо олеснување“, рече таа.
Со над милион случаи, Шпанија има најголем број заразени од коронавирус во Западна Европа.
Повеќе од 34.000 луѓе починаа поради коронавирусот во таа земја, а најмногу постари од 80 години.