Еден Азар си заминува од Челзи, тоа веќе уште од претходно се шпекулира, а сега како што пренесува „Скај Спорт“, лондонските „сини“ за неговите услуги ќе бараат обесштетување од 130.000.000 милиони фунти, што е нешто помалку од 150.000.000 евра.

Ова секако би требало да ги загрижи првите луѓе на Реал Мадрид кои пак ја проценуваат вредноста на играчот на 100.000.000 евра, со оглед на тоа останаа уште 12 месеци од договорот.

Грановскаја е „десна рака“ на газдата Роман Абрамович, таа ја постави ситуацијата така што Челзи не е под никаков притисок кога е во прашање продажбата на фудбалерот.

? £130m ?

Real Madrid are going to need some big money for Eden Hazard…

— Sky Sports Premier League (@SkySportsPL) May 25, 2019

Се очекува сите финални детали да бидат познати по завршувањето на финалето од Лига Европа наредната среда.

Менаџерот на Челзи, Маурицио Сари пред новинарите рече дека ја почитува секоја одлука на Азар (28) кој на „Стемфорд Бриџ“ дојде во 2012 година од Лил за обесштетување од 35 милиони евра.

За клубот до сега реализираше 108 голови во 351 настап, двапати ја освои Премиер лигата, по еднаш ФА купот, Лига купот и Лига Европа.