Азар: Кога би можел да преговарам за Мбапе…!
Главна задача на спортскиот директор на ПСЖ, Леонардо, ќе биде да остане Мбапе во клубот и после 2022. година.
Двете страни сеуште не се блиску до разговор околу продолжување на соработката, ниту околу новата плата. Луѓето од Париз неодамна го негираа тврдењето дека францускиот репрезентативец има годишна плата од 30 милиони евра.
Леонардо се обидува да го убеди Мбапе да остане во ПСЖ и дека тој е иднината на клубот од Париз. Но, од друга страна, играчот не е сигурен дека нов договор ќе му биде паметен потег.
Талентираниот Французин ќе размисли добро дали да се подготвува за долга кариера во дресот на „светците“ или ќе ја продолжи кариерата во уште поголем клуб со кој ќе цели на најголемите трофеи.
Последните две години во Лигата на шампионите беа разочарувачки за екипата на ПСЖ, а константно доаѓаат шпекулации дека овој играч треба да заврши во Мадрид, поточно во „кралскиот“ клуб.
Неодамна на тема зборуваше и белгискиот интернационалец, Еден Азар кој минатото лето направи трансфер на „Сантјаго Бернабеу“ од редовите на Челзи.
– Во наредните години очекувам тој да биде најдобриот на светот. Има голем талент. Доколку продолжи во овој ритам, ќе биде еден од најдобрите во историјата. Фудбалер секогаш сонува да игра со најдобрите и доколку би можел утре да му помогнам да дојде во Реал, би пробал. Иако, не верувам дека некој би ме прашал за мислење – рече Азар.
Килијан Мбапе оваа година реализираше девет голови за ПСЖ на 12 натпревари, а има и четири асистенции.