Автомобил удри во куќа, еден тешко повреден

Вчера во 14.45 часот во МВР е пријавено дека на улица „Бетовенова“ во Струмица патничко возило „БМВ“ управувано од С.Х. (21) од Струмица удрило во ѕид од куќа. Во незгодата со тешки повреди се здобила сопатничката во возилото З.М. (61) која била згрижена во струмичката болница. Извршен бил увид на местото на настанот од увидна екипа од СВР Струмица.