Австриската полиција спроведе акција против неонацистите во Виена и покраината Долна Австрија.

Полицијаците извршиле претрес во 24 станови, а меѓу осомничените е поранешен вработен во австрискиот парламент.

На поранешен вработен во парламентот му се припишува контакт со шефот на неонацистичката сцена во Австрија – Готфрид Кисел.

Според пишувањето на австриските медиуми, акцијата е спроведена поради сомнение дека неонацистите се инфилтрирале во безбедносните претпријатија за легално да стигнат до вооружување.

Повеќе од 300 полицајци учествуваа во акцијата во која се запленети повеќе компјутери, мобилни телефони, како и предмети од Третиот рајх.

Исто така откриена е и помала количина на канабис.

Седум лица од 20 кај кои бил извршен претрес, се вработени во секторот за обезбедување и на тој начин поседуваат легално оружје.