Македонија вечерва против Австрија го игра клучниот натпревар за пласман во втората фаза. За нас најдобро е вечерва да победиме, но свои математики имаат и Австријците. Тие во првите две кола оставија две победи, а селекторот Алеш Пајович смета дека го знае рецептот и за вечерашниот натпревар. Според, Пајович, најважно е да се запрат капитенот Кире Лазаров и пикерот на Вардар, Стојанче Стоилов.

– Лазаров го знаат сите, но она што ме импресионира е неговата комбинаторика со пивотот Стоилов. И Украина и Чешка имаа сериозни проблеми со запирање на овие акции, ние ќе мораме да најдеме подобро решение. Ако ги неутрализираме овие двајца ракометари, сме завршиле голем дел од работата. Во оваа група сите натпревари беа израмнети сите знаеме дека ништо не е готово. Мораме да бидеме внимателни, бидејќи Македонија за мене, сè уште е најголем фаворит во групата – изјави Пајович.