Зголемениот број на заразени лица во Австрија доведува до построги правила за невакцинираните против ковид-19, кои, меѓу другото, наскоро нема да можат да одат во ресторани и барови во неколку сојузни држави.

По сојузните држави Штаерска и Тирол, Горна Австрија и Корушка наскоро повеќе нема да пуштаат невакцинирани луѓе во ресторани и барови.

Ова ќе важи дури и ако покажат негативен тест за коронавирус. Мерките треба да стапат во сила во Горна Австрија на 8 ноември, а во Корушка на 4 ноември.

Правилата ќе важат во ноќните угостителски објекти и на настани без доделени места за седење за 500 или повеќе лица. Влезот е дозволен само за вакцинираните и оние кои прележале ковид-19.

На многу места, носењето маска FFP2 ќе биде задолжително. Проверките ќе се интензивираат, најавија властите.

Извор: МИА