Австрија ги отвори кафулињата и баровите по два месеци карантин
Анкетата на виенскиот весник „Естерајх” покажа дека денеска 22 отсто од граѓаните имаат намера да посетат угостителски објект.
Од денеска, угостителските објекти во Австрија ќе може да работат од 6 до 23 часот, но со одредени услови, со цел да се спречи ширењето на вирусот.
Наложено е во кафулињата и рестораните, да има метар оддалеченост помеѓу масите, а растојанието меѓу гостите од еден метар ќе важи и за приколките и киосците кои служат храна.
Покрај тоа, келнерите, односно персоналот кој е во директен контакт со гостите, мора да носат маски или визири. Вработените во кујната и другите кои не се во директен контакт со гостите, се ослободени од обврската да носат маски.
Најмногу четири возрасни и деца кои не се од исто домаќинство можат да седнат на една маса, а во поголем број може да бидат само ако се од исто домаќинство.
Анкетата на виенскиот весник „Естерајх” покажа дека денеска 22 отсто од граѓаните имаат намера да посетат угостителски објект.