АВСТРАЛИСКИОТ ПРЕМИЕР СИГУРЕН: Американски ракети нема да се распоредуваат кај нас!
Американските ракети од среден домет нема да бидат распоредени во Австралија, изјави тамошниот премиер Скор Морисон, откако САД открија дека ќе распоредат ракети во Азиско-пацифичкиот регион.
Функционери на двете земји по разговорот во Сиднеј изминатиов викенд ветија дека уште посилно ќе им се „спротивстават на активностите на Кина“ во тој регион и јакнењето на нејзиното влијание.
За време на разговорот, американскиот министер за одбрана, Марк Еспер, изразил надеж дека САД наскоро ќе распореди ракети во Азиско-пацифичкиот регион, откако Вашингтон се повлече од Договорот за разоружување со Русија.
Australia is a vital ally, partner, and friend of the U.S. and our alliance is an anchor for peace and stability in the #IndoPacific region and around the world. It was a pleasure having dinner with you, @ScottMorrisonMP and Mrs. Morrison. #USwithAUS pic.twitter.com/Q5LlUTlpDM
— Secretary Pompeo (@SecPompeo) August 4, 2019
Неговата изјава предизвика шпекулации дека станувало збор за тоа ракети да бидат распоредени во Австралија, но Морисон демантираше дека од него е побарано таквo нешто и додаде дека Австралија ќе одбие такво барање ако некогаш и биде поднесено во иднина.