Австралија опен: Надал без проблеми, елиминирана Азаренка!
Еден од главните кандидати за освојување на грен слем тенискиот турнир во Мелбурн, Рафаел Надал рутински со максимален резултат 3:0 во сетови 6:3, 6:4 и 6:1 славеше на стартот против српскиот натпреварувач Ласло Џере. Шпанецот во второто коло ќе игра против подобриот од пресметката Виктор Троицки (Србија) и Мајкл Мо (САД).
Чекинато иако поведе со 1:0 во сетови (6:3), ги загуби наредните три на дуелот против МекДоналд (6:3, 6:2, 6:2). Рубљов без никакови проблеми со 3:0 го елиминираше Ханфман, а изненадување приреди Албот кој го совлада 12 носител Баутиста Агут (3:1). Доста силно започна и четвртиот носител Медведев од Русија кој за еден и пол час игра со 6:2, 6:2 и 6:4 триумфираше над Канаѓанецот Поспишил.
Победи славеа уште Херис, Монтеиро, О`Конел, Чориќ, Алкараз, Попирин, Хачанов, Куевас, Крајиновиќ, Андухар-Алба, Беранкис, Лопез, Сонего, Пол, Карусо, Де Минаур, Карбаљес Баена, Махач, Фоњини и Руд.
Во женска конкуренција пораз уште во раната фаза претрпе двократната шампионка на АО, Викторија Азаренка, која со 7:5 и 6:4 загуби од Американката Џесика Пегула.
Ланската шампионка Софија Кенин со истиот резултат ја исфрли Медисон Инглс и во второто коло ќе се соочи со Естонката Канепии кој пак со 6:3 и 6:1 ја елиминираше Севастова.
Пласман понатаму обезбедија уште Бенчиќ, Хибино, Самсонова, Мертенс, Ли, Мугуруза, Подороска, Жу, Свитолина, Кузњецова, Вотсон, Бренгл, Младеновиќ, Александрова, Гоф, Векиќ, Шериф, Крејчикова, Мухова, Контавејт, Плишкова, Бартел, Колинс.