Грчкиот тенисер Стефанос Циципас е обезбеди пласман во полуфиналето на Австралија Опен откако направи неверојатен пресврт и го елиминира вториот носител, Рафаел Надал.
Циципас губеше со 0:2 во сетови, но на крајот славеше со 3:2 и тоа со 3:6,2:6,7:6,6:4,7:5 и по трет пат во кариерата ќе игра во едно грен слем полуфинале, а втор пат во Мелбурн.

The last (and only) time someone has come from two sets down to beat Nadal at a Grand Slam.

?: 2015 US Open, Round 3 pic.twitter.com/Ed8xTVO9GL

— US Open Tennis (@usopen) February 17, 2021

Ова воедно за Надал беше втор пораз во кариерата на грен слем турнирите откако водел со 2:0 во сетови, но на крајот загубил, првиот ваков пораз му се случи на УС Опен 2015 година кога загубил од Фабио Фоњини.
Надал до првиот сет дојде само со еден брејк и тоа во осмиот гем по што во наредниот, со сигурен сервис поведе со 1:0. Во вториот сет, Шпаневот беше далеку поубедлив, два пати го одзеде сервисот на Циципас за водство од 2:0 во сетови и навести убедлив триумф.

Сепак, шестиот носител на Австралија Опен, Стефанос Циципас, конечно го пронајде својот ритам во третиот сет, сигурно сервираше и не му дозволи ниту една брејк шанса на Надал кој исто така беше сигурен на свој сервис. Победникот во третиот сет беше одлучен во тај-брејкот каде Циципас беше подобар и три пати го одзеде сервисот на Надал за намалување на водството на 2:1 во сетови.

Од тие моменти, Циципас беше подобар противник на теренот на „Род Лејвер“ Арената, постојано го напаѓаше сервисот на Надал, и дури со четвртата брејк топка успеа да го одзеде сервисот и мечот да го однесе во одлучувачкиот петти сет. Во него, и двајцата тенисери беа сигурни се до 11. гем кога Циципас прави брејк со нула, Во наредниот гер, Гркот на свој сервис успеа да да спаси една брејк топка, по што ја искористи својата трета шанса за да го комплетира епскиот пресврт.
Противник на Циципас во полуфиналето ќе му биде Данил Медведев кој во три сета го победи Андреј Рубљов.