Австралиските власти и ја укинаа визата на чешката тенисерка Рената Ворачоцва која моментно се наоѓа во истиот хотел за мигранти во Мелбурн во кој е сместен и Новак Ѓоковиќ.

Ворачова веќе извесен период се наоѓа во Австралија и настапи на ВТА турнирот во Мелбурн, но утринава припадници на австралиската гранична полиција ја спроведоа во „Парк“ хотелот за миграни, пренесува телевизијата Еј-Би-Си.

Извори од австралиската влада и потврдиле на телевизијата дека на Ворачова (38) и е кажано дека мора да ја напушти земјата, но останува да се види дали и таа ќе вложи жалба како Новак Ѓоковиќ.

Чешката тенисерка добила дозвола за медицинско изземање од вакцина против коронавирус, но поради хаосот кој настана со Новак Ѓоковиќ, австралиските власти одлучија да реагираат и детално да ги прегледаат сите барања за медицинско изземање кои им ги дадоа на тенисерите и тенисерките за да можат да настапат на Австралија Опен.