Австралија ќе изгради осум подморници на нуклеарен погон како дел од новото индо-пацифичко безбедносно партнерство со САД и Велика Британија, за кои аналитичарите велат дека најверојатно ќе ја налутат Кина.

Австралија ќе биде втората земја по Британија во 1958 година што доби пристап до американската нуклеарна технологија за изградба на подморници на нуклеарен погон.

– Нашиот свет станува посложен, особено овде во нашиот регион, Индо-Пацификот, изјави премиерот на Австралија, Скот Морисон.

– За да ги исполниме овие предизвици, да помогнеме да се гарантира сигурност и стабилност што му се потребни на нашиот регион, сега мораме да го подигнеме нашето партнерство на ново ниво, додаде тој.

Премиерката на Нов Зеланд, Џaсинда Ардерн го поздрави фокусот на Индо-Пацификот, но рече дека нови австралиски подморници на нуклеарен погон нема да бидат дозволени во нивните територијални води согласно долгогодишната политика без нуклеарно оружје.

Извор: МИА