Авганистанци ја убиле својата сестра во Берлин, ја ставиле во куфер и ја закопале
Браќата на возраст од 22 и 25 години од Авганистан беа уапсени под сомнение дека ја убиле својата 34-годишна сестра затоа што „не им се допадна нејзиниот западен начин на живот“, пишува Билд.
34-годишната мајка на две деца исчезна на 13 јули во Берлин. Бидејќи нема знаци дека мајката сама ќе замине и ќе ги остави децата, полицијата започна истрага.
По прегледувањето на снимките од надзорната камера, полицијата ги забележа нејзините браќа на железничка станица во Берлин. Ги следеа нивните движења. Кратко потоа, телото на жената е пронајдено закопано во дворот на една куќа во Баварија, каде што живее еден од браќата.
Полицијата утврдила дека браќата ја убиле жената, го спакувале телото во куфер, ја однеле дома и ја закопале. Како што пишува Билд, мотивот е дека тие наводно се чувствувале навредено бидејќи сестрата била разведена и нејзиниот животен стил не ги исполнувал нивните морални стандарди.