Аукција за 5Г фреквенции во Холандија

Фото: EPA-EFE/LONG WEI

Аукцијата на фреквенцискиот опсег од 3,6 гигахерци – кој во јавноста најчесто се поврзува со 5Г технологијата – е одложена до почетокот на 2022 година, поради преместување на еден сателитски систем кој би можел да го попречува функционирањето на таа технологија. 

Со учество на некои „големи играчи” во телекомуникацискиот сектор, денеска во Холандија почна првата државна аукција на 5Г фреквенции, а најнискиот очекуван приход изнесува 900 милиони евра.

Предмет на аукцијата се фреквенциските опсези од 700, 1.400 и 2.100 мегахерци, а покрај домашната телекомуникациска компанија КПН, учествуваат и „Водафон” и „Т-мобиле”.

Според правилата, аукцијата мора да заврши до 1 август, но можно е тоа да се случи и порано, а ниту една од заинтересираните компании нема да може да откупи повеќе од 40 проценти од кој било фреквенциски опсег.

Иако „Водафон” во април објави дека почнал да обезбедува 5Г телекомуникациски услуги, кога станува збор за воведување на таа технологија, Холандија заостанува во однос на некои други европски земји.

Аукцијата на фреквенцискиот опсег од 3,6 гигахерци – кој во јавноста најчесто се поврзува со 5Г технологијата – е одложена до почетокот на 2022 година, поради преместување на еден сателитски систем кој би можел да го попречува функционирањето на таа технологија.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот