Аудиовизуелна дејност: ДФРМ во европско друштво
Друштвото на филмски работници на Македонија (ДФРМ) е 19-та членка која се приклучи на Европската асоцијација за аудиовизуелна продукција (CEPI). Основана како Европска координација на независни продуценти во 1990 година, со цел да ги организира и застапува интересите на независните кино и телевизиски продуценти во Европа, од 2018 година асоцијацијата се претставува како Европска аудиовизуелна продукција и денес е единствената европска асоцијација која вклучува независни телевизиски и филмски продуценти, односно 8.000 независни продуцентски компании во Европа.
Членовите на асоцијацијата создаваат широк спектар на разновидна филмска и телевизиска содржина, од самостојни документарци, организирање и изведба на специјални настани, до емисии, анимации, високобуџетни драмски серии.
(Текстот е објавен во „Културен печат“ број 48, во печатеното издание на „Слободен печат“ на 12-13 септември 2020)