Audi претстави две нови „ѕверки“: RS Q3 и RS Q3 Sportback (ФОТО/ВИДЕО)
Audi во исто време претстави два нови RS модели од семејството Q3. Покрај новата генерација Audi RS Q3, тука е купе-кросовер верзијата со високиперформанси – Q3 Sportback.
Под хаубата на двата автомобили се крие ист аграгат – 2.5-литарски турбо-бензинец со 5 цилиндри. Oвој агрегат произведува 400 ks (294 kW) и 480 Nm максимален вртежен момент, а поврзан е со 7-брзински S tronic aвтоматик.
Моќта очекувано се пренесува на сите 4 тркала со помош на quattro системот на Audi. RS Q3 и RS Q3 Sportback забрзуваат од 0 дo 100 km/h зa само 4,5 секунди, пред да ја достигнат максималната, електронски ограничената брзина од 250 km/h.
Изборно, лимитот може со доплата да се зголеми на 280 km/h.
Двата модели имаат спортска суспензија која е намалена за 10 mm во однос на стандардниот систем кај основните Q3 и Q3 Sportback.
Во однос на регуларните верзии, овие два SUV модели, имаат подобрени управувачки и сопирачки системи. На предните тркала има керамички дискови со пречник од 375 mm, додека позади има челични од 310 mm.
Купувачите можат да нарачаат и изборен RS Sport Plus систем со активни амортизери, а понудата за бендажите опфаќа тркала од 20 и 21 инч.
Audi RS Q3 и RS Q3 Sportback пристигнува во европските продажни салони во октомври. Цената на Audi RS Q3 во Германија започнува од 63.500 eвра, a Sportback верзијата од 65.000 eвра.
[foogallery id=”92713″]