АТП: Ѓоковиќ останува на тронот, но Медведев опасно се приближува
И покрај поразот во финалето на „УС Опен“ од Данил Медведев, Новак Ѓоковиќ ќе го задржи првото место на АТП листата (338 недели), но неговата предност се стопи.
Пласманот на првите четворица остана ист, но Ѓоковиќ сега има 1.533 бода предност пред Медведев, кој ќе има одредени шанси да заврши како број еден до крајот на годината.
Трет на листата е Гркот Стефанос Циципас, кој заостанува 2.430 поени зад Медведев. Александар Зверев и овој понеделник е на четвртото место, додека Андреј Рубљов се проби на петтото место и го подобри својот пласман за две позиции.
Рафаел Надал доживеа пад од едно место и се наоѓа на шестото место, додека за една позиција падна и Матео Беретини.
Австриецот Доминик Тим не можеше да ја одбрани титулата во Њујорк, па падна за две места и сега е осми играч во светот, додека Рожер Федерер е на деветтата позиција. Првата „десетка“ ја комплетира Норвежанецот Каспер Руд.
АТП листа –
1. Новак Ѓоковиќ 12.133 поени
2. Данил Медведев 10.780
3. Стефанос Циципас 8.350
4. Александар Зверев 7.760
5. Андреј Рубљов 6.130
6. Рафаел Надал 5.815
7. Матео Беретини 5,173
8. Доминик Тим 4.995
9. Рожер Федерер 3.765
10. Каспер Руд 3.440
Медведев: Ѓоковиќ за мене е најдобриот во историјата на тенисот