Жоао Феликс отпатува во Лондон за да потпише договор со Челзи, „сините“ ќе одвојат 11 милиони евра за шестмесечна позајмица и ќе ги исполнат барањата на Атлетико.

Тренерот на мадридскиот клуб, Диего Симеоне е во потрага по нов напаѓач, моментно ги има Алваро Мората и Антоан Гризман, а како единствена алтернатива е само Анхел Кореа.

„Јорганџиите“ сакаат да трошат што е можно поевтино и се свртеа кон своите стари „партнери“ – Барселона.

Атлетико како замена за португалскиот напаѓач го гледа Мемфис Депај. Холанѓанецот не е во плановите на Чави, има висока плата и позајмица би ги решила проблемите на двата шпански клуба.

Доколку двата тима постигнат договор, Мемфис Депај би тргнал по патот на Луис Гарсија, Тиаго Мота, Давид Виља, Арда Туран, Антоан Гризман и Луис Суарез.