Атланта дојде на само една победа од пласман во следната рунда
Кошаркарите на Атланта хоукс се наоѓаат пред пласман во следната рунда од плеј-офот во Источната конференција откако во четвртиот натпревар во плеј-оф серијата со 113:96 го совлада Њујорк никс и поведе со 3:1 во победи.
Тимот на Њујорк беше рамноправен противник само во првото полувреме, никси дури ја добија првата четвртина со 25:26. Но, како одминуваше времето така играчите на Атланта го креваа темпото на игра и на одмор заминаа со четири поени предност (53:49).
Дилемите околу победникот беа решени во третата четвртина која Атланта ја доби со 35:22 и на влезот во последната четвртина имаа 17 поени предност кои им дозволија мирна завршница.
Тре јанг повторно беше најдобар во тимот на Атланта со 27 поени, а одлична партија прикажаа и Колинс со 22 и Галинари со 21 поени. Кај Њујорк најдобри беа Џулиус Рендл со 23 поени и Р.Џ. Берет со 21 поен.
Петтиот натпревар ќе се игра во ноќта помеѓу среда и четврток во „Медисон Сквер Гарден“ во Њуојорк и доколку слави Атланта ќе обезбеди пламсан во следната рунда од плеј-офот.