Екипата на Работнички полека го составува тимот со кој ќе атакува на трофеите во домашните натпреварувања.Најново засилување на тимот од Градски Парк е Теодор Атанасов, 23-годишен  кошаркар кој висок 206 сантиметри и игра центарската позиција. Атанасов потпиша едногодишен договор со Работнички.

Теодор Атанасов минатата сезона настапи на 14 натпревари за Војводина  во српскиот шампионат, и имаше просек од 10.4 поени и 4.4 скокови по натпревар. Финишот од сезоната ја мина во шпанскиот второлигаш Конехеро.

Атанасов е второто засилување за Работнички викендов, првото е  Американецот Хејден Лесколт (196 см, 27 год.), кој минатата сезона беше избран за најкорисен играч на првенството во Австрија настапувајќи за екипата на Оберварт за која просечно реализираше 17,5 поени со 6,3 асистенции.