Атанасоски: Од кога е потпишан Договорот за добрососедство, не можеме да разговараме без заканувачки тонови од бугарската страна

Политикологот и историчар Благојче Атанасоски гостуваше во „Утрински брифинг“ на „Слободна ТВ“ каде зборуваше за актуелната тема за преговорите со Бугарија во врска со историските прашања.

–Бугарија сметам дека се чувствува силна, после решавањето на апсурдниот спор со името, и условува со користење на инструментот вето. Нивната теза и историографија се темели дека сите македонски дејци се за ослободување на Македонија и припојување кон Бугарија.

Како што имам информации, нашиот главен преговарач во комисијата за решавање на идентитетски и историски настани, проф. Драган Георгиев, на средбата во Охрид дал предлог и прифатил ние да го чествуваме Гоце Делчев заеднички и да прифатиме дека тој е е дел од меморискиот национален код и на Македонија и на Бугарија, вели Атанасоски.

Бугарите не се согласиле околу предлогот двете држави да го чествуваат Делчев, бидејќи тие сакаат да прифатиме дека тој бил етнички Бугарин.

Прочитајте и...  Системот на Халк Банка е имплементиран: Од денеска повторно ќе може да се плаќаат сметки во подружниците на Пошта

-Имено, доколку Бугарите сметаат дека тој е вреден за чествување во нивната држава да си го чествуваат како Бугарин, а ние како Македонец. Но, како што имам информации Бугарите не се сложиле околу овој предлог и изричито инсистирале ние да прифатиме дека Гоце Делчев бил Етнички Бугарин. Дури сметам и дека е попуштање од наша страна да ние прифатие дека некој деец кој се борел на територијата на Македонија да биде чествуван и во друга држава, вели Атанасоски и додава дека наметнувањето јазикот да го именувате различно од македонски, сите дејци да бидат наметната како етнички Бугари е неприфатливо и со оваа политика смета дека тензиите и нервозата може да се зголемат токму околу овие прашања.

Прочитајте и...  Полицијата и пожарната апелираат да не се палат огнови по нивите во Тетово

Договорот за добрососедство не ги намали заканувачките тонови од бугарска страна.

-Јас секогаш сум говорел дека сите спорови се поминорни во однос на патот кој ги спојува Скопје и Софија. Значи треба да се создаде позитивна клима меѓу двете држави и народи. Договорот е бизарно наречен „Договор за пријателство и добрососедство, бидејќи од првиот момент кога е потпишан ние не можеме да седнеме како нормални пријатели и соседи и да разговараме без да има иритирачки и заканувачки тонови од бугарската страна.

Јас гледам добра волја кај нашиот преговарачки тим. Нашите историчари, па и поранешниот премиер Заев и министерот за надворешни работи Димитров гледале во рамките да не даваат изјави со кои би ја „иритирале“ бугарската страна, но од друга страна јас кај Карачанов, Захариева и Борисов гледам тонови со кои како да се сака намерно да се изиритира македонското општество.

Прочитајте и...  Пола милион луѓе во Тексас сè уште се без топла вода

Тој Договор не мора да значи ништо ако ние одиме во насока на раздразнување на преговорите, на одвојување на точките кои што може да не сврзат и на крајот ништо да не постигме или што е пострашно уште повеќе да ги затегнеме односите и да влеземе во судир со Бугарите каде тие би сакале да стават рампа или вето на нашите евро-пристапни преговори, а со тоа Бугарија да стане „првиот непријател на македонскиот народ и македонската држава“, а тоа до сега била Грција., вели политикологот и историчар Благојче Атанасоски.

Поврзани вести

ВИДЕО+ФОТО I  Руски дипломати ја напуштија Северна Кореја туркајќи вагонче од воз

Слободен печат

ВИДЕО: Воздушниот напад на Бајден врз Сирија – симболичен гест, вовед во војна или нешто друго?

Слободен печат

Родителите на исчезнатите млади момчиња апелираат до Вучиќ да не објавува фотографии и снимки од монструозните убиства на кланот на Веља Невоља

Слободен печат

ВИДЕО | Забавата поради која Неделковски и Пандов завршија во полиција

Слободен печат

Маричиќ потврди дека Русковска е обвинителот со кој се сретнал во петокот

Слободен печат

Амбасадорот Коснет ја потврди поддршката на САД за ЕУ ​​во дијалогот Белград-Приштина

Слободен печат

Остави Коментар