Богатиот француски клуб во четвртфиналето од Лигата на шампионите го очекува пресметка со одличниот италијански тим. Тухел смета дека Аталанта е спектакуларна екипа која по паузата предизвикана од пандемијата има максимален учинок во Серија А, пет победи во пет натпревари.

– Имаат силен пресинг и постигнуваат многу голови. Мораме да бидеме подготвени и да играме внимателно. Но, ние сме во четвртфиналето и тука сме за да победиме, не само на овој натпревар туку да одиме и до крајот – смета Тухел.

За ПСЖ сезоната заврши со избивањето на пандемијата на коронавирусот бидејќи француската влада ги забрани сите спортски активности до септември по што на „светците“ како лидери на табелата им беше доделена шампионската титула.