АстраЗенека побара одобрение од ФДА за третман со антитела против Ковид-19

АстраЗенека / Фото: EPA-EFE/DAN HIMBRECHTS AUSTRALIA AND NEW ZEALAND OUT

Британско-шведската фармацевтска компанија „АстраЗенека”, која разви една од првите вакцини против коронавирус, побара од Американската администрација за храна и лекови (ФДА) да го одобри нејзиниот третман со антитела за спречување на болеста.

Компанијата денеска соопшти дека третманот познат како AЗД7442 ќе биде првата комбинација на антитела со долго дејство која би добила одобрение за итна употреба за превенција од Ковид-19.

„Третманот може да им помогне на луѓето чиј имунолошки систем не реагира соодветно на вакцинација”,  наведува „АстраЗенека”.

Извршниот потпретседател на „АстраЗенека”, Мене Пангалос рече дека ранливото население, како што се луѓето со слаб имунолошки систем, често не можат да развијат заштитна реакција по вакцинацијата и ризикуваат да добијат Ковид-19.

Според него, со овој препарат, светот е поблиску до обезбедување дополнителна опција за заштита од Ковид-19, покрај вакцините.

Побарувачката за третмани за антитела во САД се зголеми во текот на летото, особено во држави како Флорида, Луизијана и Тексас, каде хоспитализациите кај невакцинираните пациенти се закануваат да го преоптоварат здравствениот систем.

Главниот третман на антитела што се користи во САД е Регенеронов двоен коктел на антитела. ФДА го одобри препаратот Регенерон како заштита за лицата со висок ризик од тежок облик на Ковид-19.

Извор: МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот