„АстраЗенека“: Елиминирани се повеќето проблеми со вакцината, одиме на зголемување на производството за ЕУ
Британско-шведската компанија „АстраЗенека” соопшти дека се елиминирани повеќето проблеми во фабриките за производство на вакцината против ковид-19 во Европа. Генералниот директор Паскал Сорио изјави фокусот во наредниот период ќе биде на зголемување на производството за Европската Унија (ЕУ).
Ова е трета вакцина против коронавирусот што ја одобри Европската Комисија на заедничкиот пазар по оние на „Фајзер“ и „БајонТек“ и на „Модерна“. Одлуката доаѓа по одобрувањето што претходно го даде Европската агенција за лекови (ЕМА).
– Препораката на ЕМА се заснова врз податоци дека вакцината обезбедува заштита од коронавирус и гарантира безбедност, изјави генералната директорка на Агенцијата, Емери Кук.
Таа уверува дека ваквиот вид на вакцини е полесен за транспорт и за складирање.
– Нашата работа не застанува тука. Безбедноста и ефикасноста на оваа вакцина ќе продолжи внимателно да се набљудува за време на нејзиното распоредување во земјите-членки и на глобално ниво. Исто така, внимателно ги следиме мутациите на коронавирусот низ светот и како тие влијаат врз заштитата од вакцините. Сè уште не знаеме дали вакцината на „АстраЗенека“ обезбедува заштита од нив, но побаравме од компанијата да го испита ова, како што сторивме со производителите на другите вакцини, наведе Кук.
– За да биде навистина ефикасна, вакцината на „АстраЗенека“ треба да се прими двапати во период меѓу четири и 12 недели, изјави Бруно Сепоидс, заменик-претседател на ЕМА.
Тој додаде декаАгенцијата моментно е во контакт со производителот на руската вакцина „Спутник V” и разгледува различни податоци со цел да се утврди дали може да добие одобрение за европскиот пазар.