Универзитетот во Оксфорд привремено ќе го запре тестирањето на својата вакцина кај деца и тинејџери, односно кај лицата на возраст од 6 до 17 години, пишува The Wall Street Journal. 

Оваа одлука на Универзитетот е донесена откако се појавија случаи на ретки проблеми со згрутчување на крвта кај возрасните кои ја примиле, па се чекаат дополнителни информации.

Испитувањето предводено од Оксфорд започна во средината на февруари и има за цел тестирање на вакцината кај повеќе од 200 млади луѓе на возраст од 6 до 17 години.

Канал 4: Британија разгледува ограничување на вакцинација на младите со АстраЗенека

Портпаролот на Оксфорд изјави дека не се појавиле никакви безбедносни проблеми при самото испитување, но чекаат дополнителни регулаторни контроли во Велика Британија и Европа за да се испита каква било потенцијална врска меѓу згрутчувањето на крвта со вакцината.

Оксфорд чека повеќе информации од Агенцијата за лекови на Велика Британија, пред да продолжи со тестирањето врз деца и тинејџери. Европската агенција за лекови (ЕМА) се очекува дека во среда или четврток ќе се произнесе дали ќе се продолжи со вакцинацијата со „Астра-Зенека“.

ЕМА во среда или четврток ќе го изнесе ставот за повраноста помеѓу вакцината на „Астра-Зенека“ и згрутчувањето на крвта