Астон Вила го совлада Арсенал и за еден гол избега од опасната зона
Екипата на Астон Вила со 1:0 го совладаа Арсенал во претпоследното коло во Премиер лигата и благодарение на поразот на Вотфорд од Манчестер сити, дојде до 17. место кои носи опстанок.
Тимот од Бирмингем има ист број бодови како и 18. Вотфорд, 34 но има подобра гол разлика и тоа за само еден гол од директниот конкурент во битката за опстанок.
Астон Вила во последното коло му гостува на Вест Хем додека Вотфорд исто така ќе игра на гостински терен, против Арсенал кој пак со мислите е веќе во финалето на ФА Купот.
Единствениот гол беше дело на египетскиот репрезентативец Трезеге во 27. минута.
Претходно Манчестер сити како гостин со 0:4 го совлада Вотфорд. Рахим Стерлинг постигна два гола за „граѓаните“ во првото полувреме, додека во вториот дел во листата на стрелци се запишаа Фил Фоден и Ејмерик Лапорт.