Астон Мартинот на Принц Чарлс вози на уникатно гориво – сирење и вино
Винтејџ автомобилот марка Астон Мартин на Принцот Чарлс како гориво користи нуспродукти од вино и сирење и е совршено возило за довозување на вечера со стил.
Принцот Чарлс важи за страствен поборец посветен на околината и одржливоста, и во обид да го имплементира тоа во секојдневниот живот. Еден од тие начини е конвертирањето на неговиот Астон Мартин автомобил да користи специфично и иновативно гориво произведено од нуспродукти.
View this post on Instagram
За олдтајмерот кој го доби како подарок од Кралицата Елизабета Втора за својот 21 роденден Принцот Чарлс инсистирал да се најде инженерско решение за алтернативно гориво, без да го уништи автентичниот автомобил.
„Мојот стар Астон Мартин, кој сега вози на нуспродукти, како гориво користи – верувале или не – остаток од англиско бело вино и сурутка од процесот на производство на сирење“, изјави Принц Чарлс.
Биоетанолот кој се сипа во автомобилот е обновлив извор на енергија кој е создаден преку ферментација на шеќер и скроб од растителни бипродукти што може да се постигне со користење на вино и сирење.
Необичното решение на Принцот Чарлс да го декарбонизира неговиот Астон Мартин користејќи силна мешавина на биоетанол произведена од остатоци од сирење и вино не треба да се помеша со сериозна можност како решение да се декарбонизираат возила.
Легендарниот автомобил е во сопственост на Чарлс повеќе од 50 години, а беше дел од повеќе важни настани во кралското семејство, меѓу кој и свадбата на Принцот Вилијам и Кејт Мидлтон.
Но овој Астон Мартин не е единственото кралско возило кое тој успеал да го конвертира: Чарлс се обидувал да го промени и кралскиот воз да користи употребено масло за готвење како гориво.
72-годишниот престолонаследник на Британското Кралство вели дека светските лидери треба да направат повеќе за планетата отколку „само да зборуваат“, а еден од начините како тој ќе се бори со истото е неговото присуство на самитот за климатски промени на Обединетите Нации кој ќе се одржи од 31 октомври до 12 ноември.