Борусија Дортмунд го раскина договорот со Андре Ширле, 29-годишниот поранешен германски репрезентативец.

Потсетување, Ширле асистирираше до Марио Геце во финалето на Светското првенство 2014 година за победнички гол против Аргентина во продолженијата (1:0) и тогаш беше еден од најталентираните европски офанзивни фудбалери.

Но, со тек на време кариерата не одеше во посакуван правец, тогашното крило на Челси се пресели во Волфсбург, а последните обиди да биде повторно да им се врати на големите успеси ги имаше во Борусија Дортмунд, Фулам и Спартак Москва.

ℹ️ Borussia Dortmund und André Schürrle haben sich auf eine einvernehmliche Aufhebung des ursprünglich noch bis 2021 gültigen Vertrages verständigt.

Wir wünschen Dir alles Gute für die Zukunft, @Andre_Schuerrle! ?

— Borussia Dortmund (@BVB) July 15, 2020

Како што поминуваа сезоните, така и Ширле беше помалку опасен и не успеа да се врати на потребното ниво уште од периодот 2011-2013 год. кога го носеше дресот на Баер Леверкузен.

Сега, како што пишуваат Италијанците, Беневенто се нуди како нова опција, а Ширле кој е слободен играч и без договор, размислува дури и за пензија.

– Би лажел кога би рекол не сум размислувал за пензија. Особено во овие тешки моменти си помислувам: „Ми треба ли уште од сето ова?“ Секоја година одлучувам дали имам мотивација и дали телото е подготвено. Не знам, можеби ќе одиграм уште една или две години – рече Ширле кој за германската селекција има 57 натпревари и 22 голови.