Основачот на „Викиликс“, Џулијан Асанж, денес се појави пред судот во Лондон поради закажаното рочиште за неговата евентуална екстрадиција во САД, каде би се соочил со обвиненија за шпионажа, објавија медиумите.

Асанж при влегувањето во зградата, според „Ројтерс“,  ја подигнал својата тупаница во знак на поддршка за присутните кои се собраa во близината. Основачот на „Викиликс“ минатиот пат во судницата накратко се појави преку видео-линк од затворот Белмарш.

Асанж (48) во САД се соочува со 18 точки во обвинението за шпионажа, вклучувајќи и здружувајње поради хакерски напади во државни компјутери. Доколку е прогласен за виновен, може да биде осуден на повеќедесениска затворска казна.

Тој во 2012 година најде засолниште во амбасадата на Еквадор во Лондон за да избегне екстрадиција во Шведска, каде беше обвинет за силување, нешто што тој го негира и смета дека ќе биде испратен во САД.

Во април, полицијата го извлече од амбасадата откако Еквадор му го укина азилот. Осуден е на затворска казна во траење од 50 дена поради кршење на условите за кауција.

Оваа казна Асанж ја отслужи минатиот месец, но во затвор и понатаму поради тоа што се уште трае процесот за негова екстрадиција во САД.