Асанж доби два сина со адвокатката додека беше во амбасадата на Еквадор: Таа побара да го пуштат од затвор поради пандемијата
Стела Морис во писмото до судот наведе дека одлучила да открие дека со Асанж ги добила синовите Габриел и Макс затоа што стравува дека животот на основачот на Викиликс е во опасност ако остане во затвор.
Адвокатката од одбраната на основачот на Викиликс Џулијан Асанж, Стела Морис кој откри дека му родила двајца синови додека престојувал во амбасадата на Еквадор во Лондон, поднела барање за негово пуштање од затвор истакнувајќи дека неговиот живот е во опасност поради пандемијата од коронавирус.
Стела Морис во писмото до судот наведе дека одлучила да открие дека со Асанж ги добила синовите Габриел и Макс затоа што стравува дека животот на основачот на Викиликс е во опасност ако остане во затвор.
Таа во писмото објасни дека го сретнала Асанж во 2011 година, додека бил правен истражител и дека пријателството, „и покрај вонредните околности“, прераснало во врска во 2015 година.
Додаде дека вложила огромен труд за да го заштити тригодшниот Габриел и едногодишниот Макс од атмосферата која го опкружува нивниот татко.
Асанж присуствувал на раѓањето на двете свои деца во Лондон преку видео линк, а постариот Габриел го видел во амбасадата кога му го донеле.
Асанж е уапсен во април 2019 година, откако помина седум години во амбасадата на Еквадор во Лондон.
