Точно пред четириесет (40) години на денешен Гонџе Бојаџиу-Мајка Тереза, го посети нејзиниот роден град и во таа прилика таа беше прогласена за почесен граѓанин на Град Скопје.  Овој настан денеска го одбележеа од Институт за духовно и културно наследство на Албанците и ред други институции кои го носат името на хуманистката Мајка Тереза, од каде изјавија дека се чувствуваат привилегирани што и даваат чест на споменот на Мајка Тереза, во еден момент кога сите заедно и со помош на скопските градски власти, се враќаат трагите на традиција и идентитет, кои се поврзуваат со нејзиниот јазик и местото каде се родила Мајка Тереза.

– Отсега и понатаму, јазикот на Мајка Тереза ​​ќе биде обележана заедно со другите јазици на нејзината спомен плоча, факт што го надополнува мозаикот на нашата мултиетничка и повеќејазична реалност. Ние како институции и како граѓанско општество имаме обврска да го зачуваме културното и духовното наследство на возвишената фигура на Мајка Тереза, која за нас како Скопјани останува најавтентичен симбол на национално богатство, кое од сега понатаму би требало да биде заштитено и со закон, изјави Скендер Асани, претседател на ИДКНА-Скопје.

Тој рече дека само на тој начин може да се патентира, богатото културно и духовно наследство што го остави Гонџе Бојаџиу-Мајка Тереза, почнувајќи од нејзиното  детство, на калдрмите на античкото Скопје па се до нејзиниот последен здив, во далечна Калкута, таму каде ја хуманизираше хуманоста и истото го претвори во мисија.

Мајка Тереза ​​според Асани, е нај обединувачкиот симбол на нашите вредности и аспирации, затоа што самиот дух што таа го промовираше во светот, беше едно цело училиште каде светот имаше можност да учи за толеранција, разбирање, мир, милост, сочувство, хуманизам и друго.

– Не е толку лесно да се стане ученик на ова училиште, затоа ние како Институт формиравме посебен оддел, прв од ваков вид во светот, кој ќе се занимава со повеќеслојната студија и култивирање на фигурата и делото на Гонџе Бојаџиу – Мајка Тереза, со цел подигање на колективна меморија на институционално ниво, кажа Асани.

Најголемата чест што може да и се направи на големата фигура на Мајка Терезa на 40-годишнината од прогласувањето почесен граѓанин на Град Скопје, како што нагласи Асани, е наше присвојување на хуманите каузи на Мајка Тереза, ставајќи ги во контекст на нашето граќанско  комуницирање и разбирање.