Артета потврди: Арсенал наскоро се очекува да го промовира Одегард!
Менаџерот на лондонските „топџии“ Микел Артета потврди дека клубот е блиску да ја комплетира позајмицата на Мартин Одегард, членот на Реал Мадрид.
Норвешкиот интернационалец веќе ги заврши лекарските прегледи, а како што информира британскиот „Скај Спортс“, во наредните 24 часа се очекува да биде промовиран од Арсенал.
После вчерашната победа од 3:1 во Премиер лигата против Саутемптон, Артета одговори:
– Мислам дека сме многу блиску, но како што разбрав не е сè уште финализирано. Во последните неколку часа не зборував со Еду (техничкиот директор на Арсенал) и клубот, но ние сме многу позитивни што ќе го финализираме договорот – рече Артета.
22-годишниот играч од средниот ред Одегард сезонава во шпанската „Ла Лига“ имаше вкупно седум настапи за „кралевите“.