Арсовски за СП: За квалитетот на решението со Бугарија ние треба да се избориме
Квалитетот на решението за спорот со Бугарија е исклучиво наша обврска, а не на еврокомесарот Оливер Вархељ, кого го интересира само „да се заврши работата“ вели аналитичарот Петар Арсовски за „Слободен печат“.
– Вархељ не е заинтересиран за квалитетот на решението меѓу Македонија и Бугарија, туку за тоа да постигне успех и во своето портфолио да ги запише почетокот на преговорите на Македонија и на Албанија со ЕУ. Сега се назира и можноста Албанија да ги почне преговори, а Македонија не, но ќе видиме како ќе биде, затоа што лани многу земји се противеа на тоа Македонија и Албанија да се раздвојат во процесот на проширувањето. Дел од земјите беа и протов тоа Албанија да преговара. Вархељ сака да се постигне какво било решение. Не му е важен квалитетот, што ќе содржи решението, а познато е дека тој доаѓа од партијата на Виктор Орбан која не ги негува многу европските вредности. Нас нас е да се избориме за квалитетно решение, Вархељ нема да води сметка за тоа – вели Арсовски за „Слободен печат“.
Еврокомесарот Вархељ викендов рече дека Албанија ги исполнила условите за преговорите со ЕУ, а Македонија треба брзо да го реши спорот со Бугарија, на што премиерот Зоран Заев одговори дека никогаш нема да преговараме за нашите идентитетски атрибути.