-Мислам дека Македонија кризава ја дочека во еден многу специфичен период, а тоа е период на високи тензии помеѓу власта и опозицијата и период на предизборие. Треба да се има предвид дека кога кризата ја зафати Македонија сите партии беа устроени за предизборна борба. Мислам дека сегашното зголемување на критика и напад е повеќе прашање на тоа дека партиите не можат да издржат во мирнодобски кризни услови отколку што имаат некаква стратегија за напад, бидејќи во ваква ситуациоја кога се појавуваат авторитарни тенденции кон владите насекаде, на опозициите не им е многу паметна стратегија на конфронтација со владите, бидејќи граѓаните се приклонуваат кон владите во сите вакви кризни ситуации, изјави политичкиот аналитичар Петар Арсовски во „Утриски брифинг“ на „Слободна ТВ“.

Во вакви условинормално е владата да го има најголемиот дел од вниманието, а опозицијата сака да се наметне со изјави кои не се општествено добри.

-Мислам дека сегашното зголемување на „политичката тензија“, напади итн.. се повеќе прашање на внатрешен притисок во партиите да бидат присутно, отколку некаква ионформирана политичка стратегија. Нормално е во ваква ситуација Владата да има поголем дел од вниманието и влијанието, опозицијата да биде во „out“ и тоа се случува секаде во светот и сметам дека притоскот од опозицијата е да бидат внатре во приказната, дури и понекогаш со тврдења и изјави кои не се целосно добри и за нив и за општото добро, истакна Арсовски.

Тој смета дека причината поради која што се зголемува довербата во владите е практично препуштање на суверенитетот на владата, која каква и да е затекната и исправена со предизвиците да се бори со оваа криза. Во овакви услови улогата на опозицијата е многу деликатна. Се разбира дека критиката и надзорот на владиното работење не треба да престане, ниту пак слободата на говорот, но сите тие треба да се подредат во една ситуација во која де факто владата е таа која ги држи конците. Тешко е да се постигне вистинската нота, бидејќи таквиот висок рејтинг на владите насекаде во светот прави секоја критика луѓето да ја доживуваат как „опструкција“. И опозициите не се само ограничени во својот вокабулар во смисла на тоа што е правилно, туку се ограничени и во смисла на тоа што е опортуно, бидејќи голем дел од критиките не им носат ќар, напротив намалување на рејтингот и понекогаш антагонизам.

Околу неодамнешното интервју на лидерот на опозицијата Христијан Мицкоски и неговите тврдења и „невралгични“ податоци за кои што подоцна се докажаа како неточни(бројот на тестови и резервите со кои се располага – кои во исто време можат и да пробудат непријатни чувства кај граѓанството доколку се неточни), веста веднаш беше демантирана но сепак не се отиде на нешто што би било нормално – а тоа е човекот да се извини, да продолжи со работа, туку како да се удвоија пропагандните напори против здравствените власти и дали е тоа е една опасна спирала во која што се влегуѕва – на секоја лага демант, па уште поголеми обвинувања, Арсовски смета дека тоа е една несвесна изјава на лидерот на опозицијата.

-Во една ваква ситуација сите се „закачаени“ на медиумите и сите гледаат се, така што таквите спинови многу брзо се дознаваат дали се вистинити или не особено што Владата де факто е во постојано заседание и многу брзо одговара на таквите спинови и шпекулации. Во сегашнава ситуација, кај нас, мислам дека опозицијат асе уште го бара местото под сонцето. Таа ја нема најдено својата вистинска улога и всушност се на трибините на тоа што се случува во моментов. Главниот натпревар е во доменот на Владата, рече тој.

Арсовски смета дека кај опозицијата притисокот е повеќе да бидат присутни во јавноста, дури и на сметка на вистината. Како што нивните обиди нема да успеваат, односно ќе бидат прогласувани за спинови, така хистеријата кај нив ќе се зголемува.

-Треба да очекуваме дополнителен период на зголемување на таа реторика што би било нормално кога тие тврдења би биле вистинити. Мислам дека на опозицијата дебатата и предложените економски мерки им се многу подобра политичко-комуникациска стратегија одошто ова ловење на ситнигрешки на системот. Знаете дека кај нас никакво изненадување дека нашиот здравствен систем е далкеу од совршен, ниту пак опозицијата со тие тврдеа ќе открие топла вода. Во моментов луѓето ги нервира таквиот капацитет кој што го имаме да се дивертира на одбрана од лажни вести наместо на лечење пациенти, вели за Утрински брифинг политичкиот аналитичар Арсовски.

Треба да се задржи вниманието на јавноста со постојано информирање, со цел да знаат до која фаза е ширењето на коронавирусот.

-Она што ќе се случува наредниот период е дека самата бројка на пациенти ќе направи Владата да известува воопштено. Едно е да се известува за судбината на девет пациенти, а друго е за судбината на 900 пациенти. Мислам дека она што ќе се случува во смисла на содржина на владините разговори ќе стане повеќе генеричко, повеќе генерално и општо за целата состојба нема да се известува кој од каде дошол и која му била епидемиолошката анкета. Мислам дека темпото на информирање на јавноста треба да се задржи од неколку причини: Јавноста во секој момент треба да знае во која фаза од епидемијата сме, бидејќи постои реална можност да создаде притисок против мерките за ограничување на движењето.

Луѓето ако не знаат во која ситуација сме или ако имаат премногу оптимистичка проценка до каде е пандемијата постои ризик да излезат надвор и да се шетаат по топлото време, пто секако не е добро во оваа фаза. Затоа сметам дека количината на информации треба да остане и мислам дека секогаш кај јавноста е важно точно и целосно да биде информирана и сметам дека до сега, владата заслужува пофалба, дека кога се соопштуваа и најлошите вести немаше ПР спин на тоа и мисла дека така треба да продолжи.

Она што можам да го забележам е дека циклусот на лажни вести по социјалните мрежи овој период е скратен. Можеби се во истата количина како што се појавуваа претходно, но сега умираат побрзо, додаде Арсовски.