Арсовска: Неопходна е соработка на приватниот и јавниот сектор за поголема доверба во институциите

Имплементирање мултирателарен систем за олеснување на трговијата и на инвестициите, воспоставување контролиран раст на е-трговијата преку посебни договори со особено внимание за потребите на микро, малите и средните компании, олеснување на пристапот до финансирање на трговијата, поддршка на извозот на услуги во секторите поврзани со туризмот кои се најзагрозени, како и поттикнување иновации и развој на дигитални технологии, се само некои од препораките на Меѓународната советодавна група за економски политики кои ќе им бидат испорачани на лидерите на владите на Г20, со цел ублажување на последиците од КОВИД-пандемијата.

Дел од интернационалната советодавна група која заседаваше утрово, е и претседателот на Сојузот на стопански комори на Македонија, Данела Арсовска, како меѓународен експерт.

Прочитајте и...  Обезбедени 428 таблети за следење онлајн настава за учениците од Ѓорче Петров

Арсовска на е-конференцијата порача дека е неопходна соработка на приватниот и јавниот сектор за да се создаде деловен амбиент кој ќе поттикнува зголемување на интегритетот и на довербата во институциите, во насока на постигнување економски просперитет.

– Согласно прецизно востановен стратешки план, ќе се имплеметира мултирателарен систем за олеснување на трговијата и на инвестициите за развој. Второ, ќе се посвети особено внимание на воспоставување контролиран раст на е-трговијата преку посебни договори со особено внимание за потребите на микро, малите и средните компании, односно за претприемачите. Трето, олеснување на пристапот до финансирање на трговијата и поддршка на извозот на услуги во секторите поврзани со туризмот кои се најзагрозени во моментов, поттикнување на иновации и развој на дигитални технологии. Четвртата препорака се однесува на промоција на одржлива трговија и инвестиции со акцент на имплементација на нови технологии, преку трговски политики компатибилни со правилата на Светската трговска организација, со цел да се постигне транзиција кон одржлив економски разв, рече Арсовска.

Прочитајте и...  Загриженост во Грција, Јанина и Серес во мини карантин

Таа потенцира и дека препораките не се насочени само кон владите на земјите од Г20, туку и глабално, бидејќи нивната имплементација може да даде поефикасна поддршка на приватниот сектор за време на криза, заштита на економијата и подготовка за идните предизвици.

Според претседавачот на советодавната група, Лубна Олајан, ова е можност да се поттикнат препораки за политиките кои промовираат глобална посветеност кон мултилатерализам и либерализација на трговијата, како клучни столбови за фер и отворена меѓународна трговија и инвестиции.

Меѓународната советодавна група од почетокот на годината работи на подготовка на економските политики и препораки, а денеска на е- конференцијата ги финализираше. Нејзини членови се и Томас Донохју, претседател и извршен директор на Американската стопанска комора и Еверет Ајсенштат потпретседател на Генерал Моторс од САД.

Прочитајте и...  По ковид-19 рекордите и албанските угостители ќе работат со ограничено работно време

Финалниот документ содржи четири клучни препораки за зајакнување на довербата во глобалниот систем за трговија и инвестиции.

Покрај Арсовска членови на меѓународната експертска група која го креираше овој финален сет на мерки за економски политики се и лидерите на деловните заедници на САД, Кина, Германија и на Франција.

Поврзани вести

Драма во Германија: Автомобил удри во група луѓе, 12-годишно момче загина

Слободен печат

Мицкоски: Единствената порака на Заев е да не се крева паника во состојба кога имаме бројки кои покажуваат катастрофа

Слободен печат

Од понеделник граѓаните ќе можат да направат брзи тестови по цена од 1000 денари

Слободен печат

По невидената рецесија економијата на САД порасна за 33 отсто во третото тримесечје

Илинка Иљоска

Не е лошо ако ви паднат антителата за коронавирус велат британските експерти. Финтата е во мемориските клетки

Илинка Иљоска

Европа денеска надмина 10 милиони случаи на коронавирус

Слободен печат

Остави Коментар