На Арсенал не му требаше многу за да пронајде замена за најскапото промашување во историјата, Месут Озил, тоа ќе бе биде фудбалерот на Реал Мадрид, Мартин Едегард.

Преговорите со „кралскиот“ клуб се завршени, сите детали се договорени, а за трансферот, односно позајмицата да се официјализира потребно е Едегард утре да ги помине лекарските прегледи.

Според мадридски „Ас“ и лондонски „Тајмс“, Едегард доаѓа на петмесечна позајмица без право на откуп бидејќи Реал Мадрид не сака да се откаже од фудбалерот кој има договор на уште три и пол години.

Иако за Едегард нема место во тактичките замисли на тренерот Зинедин Зидан, претседателот на Реал Мадрид, Флорентино Перез смета дека со евентуално заминување на Французинот од клупата, младиот фудбалер ќе добие вистинска шанса и ќе биде еден од носителите на тимот во иднина.

Поради тоа, Перез ги одби двата предлози на Реал Сосиедад да позајмица бидејќи баскискиот тим сакаше во договорот да се вметне опција за откуп.
Перез се одлучи да ја прифати понудата на Арсенал кој понуди два милиони евра за петмесечна позајмица и се согласи да ја преземе во целост платата на фудбалерот.