Арсенал веќе преговара со Реал Мадрид за Иско

Иско би можел да ја продолжи кариерата во редовите на Арсенал/Фото: EPA-EFE/Juanjo Martin

Арсенал и Реал Мадрид се во постојан контакт околу евентуалниот трансфер на Иско во клубот од „Емирати“. Договорот на Шпанецот со „кралевите“ истекува по крајот на сезоната, но „топџиите“ сакаат да го ангажираат веќе во јануари.

Лондонскиот премиерлигаш нуди да ја обезбедува платата на Иско до крајот на договорот со Реал, но да не плати трансфер за играчот од средниот ред.

Уште во текот на минатото лето менаџерот на Арсенал, Микел Артета сакаше да го доведе Иско, но тогаш двата клуба не се договорија.

Наместо тоа, Арсенал го финализираше постојаниот трансфер на уште еден поранешен играч на Реал – Мартин Јодегор.

За Иско се вели дека е заинтересиран и за Њукасл, овој 29-годишниот играч досега во најсилниот шпански шампионат има шест настапи и еден погодок.

Видео на денот