„Топчиите“ пред пандемијата на коронавирус во најсилното англиско првенство имаа три победи по ред, но после паузата, како да исчезнаа нивните добри игри.

После убедливиот пораз во дербито на Премиер лигата од Манчестер сити (3:0), и денеска лондонскиот клуб загуби овој кај Брајтон со 2:1.

Brighton 2-1 Arsenal
????Brighton Winning Goal #BHAARS

Follow for more!

pic.twitter.com/Zy6nN1Qm6V

— FootballTV (@_FootballTV) June 20, 2020

Во 68 минута со еден прекрасен погодок Пепе стрелаше во мрежата на Рајан, но екипата на Потер се погрижи за целосен пресврт. Прво дојде до израмнување благодарение на среќниот погодок преку Данк во 75 минута, а во самиот финиш (90+5) конечниот епилог го постави Мопеј.

Три важни боди во битката за опстанок за Брајтон кој ја прекина серијата без триумф и моментно е во сигурната зона на 15 место со 32 бодови, додека Арсенал направи чекор во походот кон позициите кои водат во Европа, па моментно е на деветтото место со 40 бодови.

Саботната програма стартуваше со дуелот Ватфорд-Лестер (1:1), а ќе заврши со мечевите Вест Хем-Вулверхемптон (18.30 часот) и Бурнмаут-Кристал Палас (20.45 часот).