Арсенал се спаси од нов срам (ВИДЕО)
„Топчиите“ на гостувањето во Лиеж кај Стандард одиграа 2:2 и тоа благодарение на головите на Лаказет и Сака во 78. и 81. минута. Претходно белгискиот тим поведе со 2:0 со головите на Бастиен и Амалах.
Во истата група Ф, Ајнтрахт загуби со 2:3 но бидејќи Стандард не победи, го освои второто место и ќе игра во наредната фаза.
Гостите постигнаа гол за водство од 1:0, по што Франкфурт направи пресврт и стигна до 2:1 преку Да Коста и Камада во првите 45 минути. Сепак, португалскиот тим во финишот од мечот ги шокираше домаќините и преку Елмусрати и Едвардс ги поставија конечните 3:2.
Лацио загуби на гостувањето кај францускиот Рен со 2:0 и го заврши настапот во најмасовното европско фудбалско натпреварување. Стрелец за головите за Рен беше Гањон во 31. и 87. минута.
Резултати:
Група А:
АПОЕЛ Никозија – Севиља 1:0
Карабак – Дуделанж 1:1
Табела
Севилја 15, АПОЕЛ 10, Карабаг 5, Дуделанж 4
Група Б:
Динамо Киев – Лугано 1:1
ФК Копенхаген – Малме 0:1
Табела
Малме 11, Копенхаген 9, Динамо Киев 6, Лугано 5
Група Ц:
Базел – Трабзонспор 2:0
Хетафе – Краснодар 3:0
Табела
Базел 13, Хетафе 12, Краснодар 9, Трабзонспор 1
Група Д:
ЛАСК – Спортинг Лисабон 3:0
ПСВ Ајндховен – Розенборг 1:1
Табела
ЛАСК Линц 13, Спортинг 12, ПСВ 8, Розенборг 1
Група Е:
ЦФР Клуж – Селтик 2:0
Рен – Лацио 2:0
Табела
Селтик 13, Клуж 12, Лацио 6, Рен 4
Група Ф:
Ајнтрахт Франкфурт – Виторија Гимараеш 2:3
Стандард Лиеж – Арсенал 2:2
Табела
Арсенал 11, Франкфурт 9, Стандард Лиж 8, Гимараеш 5