Арсенал понижен на „Емирати“: Де Брујн одржа час по фудбал! (ФОТО+ВИДЕО)
Актуелните шампиони во Премиер лигата за едно полувреме го разбија домаќинот Арсенал и ја продолжија агонијата на „топчиите“, 0:3 после првите 45 минути.
Делуваше дека тимот на Фредерик Љунгберг да се постави малку посилно против не така доминантните „граѓани“ кои доволно пати кикснаа оваа сезона, па имаат дури 14 бодови помалку од водечкиот Ливерпул.
Но, тоа не се случи, составот на Пеп Гвардиола предводен од одличниот Де Брујн поведе уште во втората минута со прецизниот шут на белгискиот интернационалец.
Стерлинг зголеми во 15. минута од средбата на „Емирати“ стадионот во Лондон после асистенцијата на Де Брујн кој пак својот втор погодок во натпреварот го имаше во 40. минута.
Арсенал имаше само шест удари во денешниот пораз, најмалку досега во еден домашен премиерлигашки дуел од декември 2008. година против Ливерпул (исто така шест).
6 – Arsenal have gone six games without a win at the Emirates across all competitions (D3 L3), their longest run without a home win since between December 1994 and February 1995 under George Graham (eight games). Miserable. #ARSMCI pic.twitter.com/wMRqIMndSA
— OptaJoe (@OptaJoe) December 15, 2019
Воедно веќе шест натпревари се без победа на „Емирати“ во сите натпреварувања (трипати нерешено, трипати поразени), нивната најдолга серија без домашен триумф од периодот меѓу декември 1994 и февруари 1995 год. под раководство на Џорџ Грахам (осум мечеви).
6 – Arsenal had just six shots in their 3-0 defeat to Manchester City – their fewest in a home Premier League game since December 2008 against Liverpool (also six). Limp. #ARSMCI pic.twitter.com/sP8KkPZujx
— OptaJoe (@OptaJoe) December 15, 2019
В понеделник ќе се одигра и последниот дуел од 17. коло, Кристал Палас од 20.45 часот е домаќин на Брајтон.
На табелата води Ливерпул со 49 бодови, пред Лестер (39), Манчестер сити (35), Челзи (29), Тотенхем (26), Манчестер јунајтед (25)…
