Фудбалерите на Евертон славеа на гостувањето кај Арсенал со 0:1 во рамки на 33. коло во Премиер лигата. Гостите славеа благодарение на неспретниот автогол кој го постигна голманот на „топчиите“ Бернд Лено.  Ова беше прв натпревар за Арсенал по хаосот кој го предизвикаа 12 клубови меѓу кои и „топчиите“ кога ја формираа Суперлигата и по 48 часа се откажаа од неа.

Првото полувреме помина во мирна игра иако и двете екипи имаа по неколку шанси. Најдобрата шанса за постигнување гол ја имаше Сака, но голманот на Евертон со одлична реакција ја сочува сопствената мрежа.
Во второто полувреме иако домашниот тим беше подобар, но Евертон во 76. минута се радуваше на постигнат гол. Ришарлисон ја упати топката кон голот, таа го погоди Лено во ногата и заврши во мрежата. Ова беше прва победа за Евертон во Лондон на натпреварите против Арсенал по пауза од 25 години.
Евертон и покрај победата остана на осмото место на табелата со 52 бода, додека Арсенал е деветти со 46 бодови.