Денеска во рамките од 33 коло во најсилното англиско првенство екипата на Арсенал ја забележа и третата победа по ред реализирана на гостувањето кај Вулверхемптон со 0:2.

Во 43 минута Сака искористи една одбиена топка во казнетиот простор на ривалите и ја испрати топката во мрежата на Патрисио.

„Топчиите“ своите три бода ги потврдија во 86 минута, Вилок убаво го пронајде Лаказет кој од непосредна близина се запиша во листата на стрелците.

Лондонскиот клуб ја одржува трката за настап на меѓународната сцена, моментно составот на Артета е на седмото место со 49 бодови, три помалку зад Вулверхемптон, а Челси е на петтото место со 54 бодови, позиција која води во Лига Европа, а четвртопласиран е Манчестер јунајтед (55) место кое носи Лига на шампиони.

Манчестер јунајтед стана „гол-машина“ во Премиер лигата! (ВИДЕО)