Англискиот актер Арон Тејлор-Џонсон, наводно, е главниот фаворит кој ќе го замени Даниел Крег во улогата на тајниот агент Џејмс Бонд.

Според написите во светските медиуми, Тејлор-Џонсон учествувал на тајна филмска аудиција во студиото Пајнвуд и ја воодушевил филмската продуцентка Барбара Броколи.

„Во септември, Арон се појави на аудиција за да стане следниот Бонд и многу им се допадна на продуцентите и на Барбара. Тој е еден од фаворитите за улогата“, рекол анонимен извор за „Сан“.

 

View this post on Instagram

 

A post shared by Aaron Taylor-Johnson (@aarontaylorjohnson)

Исто така, медиумите пишуваат дека актерот Идрис Елба се откажал од преговорите да стане Џејмс Бонд, а како потенцијални кандидати за улогата на најпознатиот фиктивен агент на британската тајна служба се спомнуваа и актерите Хенри Кавил, Том Харди и Џејми Дорнан.

Тејлор-Џонсон ја започна својата актерска кариера во телевизиската серија „Armadillo“ во 2001 година, а се стекна со светска популарност со улогата во биографскиот филм за Џон Ленон – „Nowhere Boy“ (2009).

За време на снимањето на филмот „Nowhere Boy“, 32-годишниот актер ја започна љубовната врска со режисерката Сем Тејлор-Џонсон (55), со која се во брак веќе десет години и имаат две деца.

 

View this post on Instagram

 

A post shared by Aaron Taylor-Johnson (@aarontaylorjohnson)

Збогување со тајниот агент: Даниел Крејг заплакал на првото гледање на неговиот последен филм за Џејмс Бонд