-Има редукција во општината, секторот урбанизам работи он-лајн. Има редуциран состав и во делот на архивите, затоа што сакаме што помалку да имаме изложеност на луѓе. Секој вторник имаме редовни координации на општинскиот штаб. Останатите денови координацијата ја вршиме он-лајн, изјави за „Утрински брифинг“ на „Слободна ТВ“ градоначалничката на Тетово, Теута Арифи.

Во Тетово до сега нема регистриран пациент заболен од коронавирус.

-Од минатата недела дадовме налог само четврток да е пазарен ден. Оваа ситуација е голем и сериозен предизвик за држави, градови и системи поорганизирани од нашите. до сега во Тетово немаме ниеден позитивен од редот на тестираните. Според тоа што сме информирани од болницата во Тетово, тие се спремни за справување со коронавирусот, рече Арифи и додаде дека комуналните дејности се комплетно со функција, но и дека денес очекуваат дс пристигнат уште 12 пумпи за дезинфекција.