Ариел Анри е новиот премиер на Хаити

Фото: EPA-EFE/Orlando Barría

Властите на Хаити ја одобрија новата влада во земјата, предводена од Ариел Анри, кого убиениот претседател Жовенел Моиз го назначи за премиер два дена пред атентатот, пишува официјалниот весник на републиката „Монитор”.

„Членови на кабинетот на министри: Ариел Анри е премиер. Советот на министри, чиј претседател е премиерот, има извршна власт се додека не се избере нов претседател”, се наведува во текстот.

Анри, исто така, ќе биде и министер за труд и социјала политика. По убиството на Моиз, вршителот на должноста премиер, Клод Џозеф беше унапреден во министер за надворешни работи и религиозни прашања во новиот кабинет. Владата на Хаити објави на Твитер дека церемонијата на инаугурација на нејзините членови ќе се одржи на 20 јули, во главниот град Порт-о-Пренс.

Анри истакна дека тој ќе ја води Републиката до новите избори, нагласувајќи дека не ја смета сегашната влада за целосна. Претседателските и парламентарните избори на Хаити се закажани за 26 септември, а вториот круг од претседателските избори ќе се одржи на 21 ноември, доколку е потребно.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот