Аргентинскиот претседател ја прими руската вакцина „Спутник V“

Фото: EPA-EFE/Esteban Collazo / HANDOUT HANDOUT EDITORIAL USE ONLY/NO SALES

Аргентинскиот претседател Алберто Фернандез денеска ја прими руската вакцина Спутник V против коронавирусот.

Фернандез (61) беше вакциниран еден ден откако аргентинската агенција за лекови ја одобри руската вакцина за употреба.

Тој на Твитер му се заблагодари на рускиот институт Гамалеја, кој ја разви вакцината, како и на здравствените работници во земјата за нивната посветеност.

Аргентина доби 600.000 дози руска вакцина, а нова испорака се очекува на крајот на јануари и во февруари. Исто така, ја одобри употребата на вакцината на АстраЗенека и Универзитетот Оксфорд и договори купување на 22 милиони дози.

Досега во Аргентина од Ковид-19 починале 45.000 луѓе, а повеќе од 1,8 милиони луѓе биле заразени

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот