Аргентински фудбалер открива: Ми нудеа пари за да го повредам Роналдињо
Еден од најдобрите аргентински дефанзивци на сите времиња, Фернандо Касерес кој во кариерата настапуваше за екипи како Ривер Плата, Бока Јуниорс и Сарагоса во интервју за јутјуб каналот „Idols“ откри дека добил примамлива финансиска понуда за да го повреди Роналдињо.
– Ми понудија 500.000 шпански пезети за да го повредам Роналдињо, сакаа да го исфрлам од натпреварот. Тоа воедно беше и единствениот начин за да се запре волшебник како Роналдињо. Тогаш настапував за Селта, Роналдињо тргна по топката, а јас го удрив од зад грб. Падна на земјата и кога му понудив рака за да се крене му признав дека ми понусија 500.000 пезети за да го исфрлам од игра. Знаете што ми рече: Доколку ме стигнеш.
Не можев да поверувам на неговите зборови – открива Касерес кој исто така го „повредил“ и Диего Марадона.
– Кога бев млад, се обидов да пресечам една топка и во скокот удрив некого. Кога се свртев, видов дека тоа е Марадона. Сакав да пропаднам во земја.